ბიზნეს აქსელერატორის პრეზენტაცია გაიმართა

ვეტერანთა კულტურისა და დასვენების პარკში თბილისის მერიის, საქართველოს დამსაქმებელთა ასოციაციის და ევროკავშირის ერთობლივი პროექტის  „სპარკის“ პრეზენტაცია გაიმართა , რომელიც   თბილისის მერმა კახა კალაძე და ევროკავშირის ელჩმა საქართველოში კარლ ჰარცელმა გახსნეს.

 ბიზნეს აქსელერატორის სამუშაო სივრცე თბილისის მერიისა და ევროკავშირის ინიციატივით, „მერები ეკონომიკური ზრდისთვის“ პროექტის ფარგლებში, საქართველოს დამსაქმებელთა ასოციაციის თანაპარტნიორობით შეიქმნა.

პროექტის მიზანს დასაქმების ხელშეწყობა, ქართველი მეწარმეებისთვის შესაძლებლობების გაზრდა და ინოვაციური ბიზნეს იდეების განხორციელება წარმოადგენს. დღეიდან, სამუშაო სივრცე თავისი სერვისებით ნებისმიერი ბიზნეს იდეის მქონე პირისთვის ხელმისაწვდომი იქნება.