ს.ს. მინასა და ტექნიკურ უნივერსიტეტს შორის შეხვედრა გაიმართა

საქართველოს დამსაქმებელთა ასოციაციის ორგანიზებით ს.ს. „მინას“ და საქართველოს ტექნიკური უნივერსიტეტის წარმომადგენლებს შორის შეხვედრა გაიმართა.

მხარეებს შორის თანამშრომლობის მიზანია შრომის ბაზარზე არსებული გამოწვევების საპასუხო ღონისძიებების გატარება საწარმოსა და სასწავლებელს შორის კომუნიკაციის გაძლიერებით.

შეხვედრაზე დაიგეგმა ერთობლივი პროექტების განხორციელება, რომლის ფარგლებშიც კომპანია საწარმოო პრაქტიკისა და სტაჟირების შესაძლებლობას მისცემს სტუდენებს. აღნიშნული გამოცდილება დაეხმარება, ერთი მხრივ, სტუდენტებს, რომ წავლის დასასრულს პრაქტიკული გამოცდილებით შევიდნენ შრომის ბაზარზე, მეორე მხრივ, კერძო სექტორის განვითარებას შეუწყობს ხელს ახალგაზრდა კვალიფიციური კადრების არსებობა ქვეყანაში.

შეხვედრა საქართველოს დამსაქმებელთა ასოციაციასა და საქართველოს ტექნიურ უნივერსიტეტს შორის არსებული ურთიერთთანამშრომლობის მემორანდუმის ფარგლებში გაიმართა.