პროფესიული განათლების "ჰაკათონის" პრეზენტაცია

ბიზნეს გაერთიანება „საქართველოს დამსაქმებელთა ასოციაცია“ მხარს უჭერს პროფესიული განათლების „ჰაკათონის“ განხორციელებას. იგი წარმოადგენს „ჰაკათონის“ ოფიციალურ სპონსორს და სოციალურ პარტნიორს, რომელიც საქართველოს განათლებისა და მეცნიერების სამინისტროსა და ინოვაციებისა და ტექნოლოგიების სააგენტოს ორგანიზებით იმართება.

„ჰაკათონი“ ტექნოლოგიებით დაინტერესებული ადამიანების შეჯიბრი და კარგი იდეების რეალიზების, თვითგამოხატვის, ჯანსაღი კონკურენციისა და ინოვაციური პროექტების შექმნის საშუალებაა.
„ჰაკათონის“ მოიცავს ინოვაციური და მაღალტექნოლოგიური იდეის პროტოტიპის შექმნის მიზნით, პროფესიული სასწავლებლების სტუდენტური ჯგუფების მონაწილეობას.

პროფესიული განათლების ჰაკათონის მხარდაჭერა საქართველოს დამსაქმებელთა ასოციაციისთვის საინტერესოა იმდენად, რამდენადაც ასოციაციის საქმიანობის ერთ-ერთი პრიორიტეტული მიმართულებაა პროფსიული განათლებისა პოპულარიზების ხელშეწყობა ახალგაზრდებში.

1 აპრილს საქართველოს ინოვაციებისა და ტექნოლოგიების პარკში გამართულ პრეზენტაციაზე, რომელიც საგანთლებისა და მეცნიერების მინისტრმა ალექსანდრე ჯეჯელავამ გახსნა, საქართველოს დამსაქმებელთა ასოციაციის პრეზიდენტი ელგუჯა მელაძე მიესალმა დამსწრე აუდიტორიას და განაცხადა, რომ „საქართველოს დამსაქმებელთა ასოციაცია, როგორც შუამავალი ორგანიზაცია კერძო და საჯარო სტუქტურებს შორის მიზნად ისახავს გაითვალისწინოს შრომის ბაზრის მოთხოვნები და ხელი შეუწყოს იმ აქტივობების განხორციელებას, რომლებიც მიმართულია პროფესიული განათლების გაძლიერებაზე. როგორც ბოლოდროინდელი კვლევები ადასტურებს, კომპანიებს უჭირთ შრომის ბაზარზე კვალიფიციური პროფესიული განათლების მქონე კადრების მოძიება, რაც თავის მხრივ აისახება წარმოების ეფექტურობაზე და მის განვითარებაზე“.

ასოციაცია აღნიშნული პრობლემური საკითხის მოგვარებაში წარმოადგენს მნიშვნელოვან მხარეს, რადგანაც განათლების და მეცნიერების სამინისტროსთან, საერთაშორისო ფონდებთან, პროფესიულ სასწავლებლებსა და კერძო სექტორთან ერთად ახორციელებს არა ერთ პროექტს, რომელიც მიმართულია პროფესიული განათლების პოლიტიკის შემუშავებასა და დახვეწაზე.

ამდენად, ჰაკათონის მხარდაჭერით შეგვაქვს მოკრძალებული წვლილი ახალგაზრდებში პროფესიული განათლებით დაინტერესების საკითხში.