ყოვლისმომცველი სამუშაო გარემო საქართველოში სამუშაო ადგილების შესაქმნელად პროექტის ფარგლებში შეხვედრა გაიმართა

18 აპრილს პროექტის „ყოვლისმომცველი სამუშაო გარემო საქართველოში სამუშაო ადგილების შესაქმნელად“ ( ILO/DANIDA) საკონსულტაციო კომიტეტის მეხუთე შეხვედრა სასტუმრო ჰოლიდეი ინნ თბილისში გაიმართა.

შეხვედრა მიზნად ისახავდა პროექტის პროგრესის მიმოხილვასა და სამომავლო გეგმების დასახვას დაინტერესებული მხარეების მიერ. კერძოდ, კომიტეტის წევრებმა განიხილეს და შეაჯამეს 2021-2022 წლის აქტივობები, პროექტის მიმდინარეობა სამოქმედო გეგმისა და MTE რეკომენდაციების შესაბამისად, ამასთან, დასახეს 2022-2023 (ივნისი) წლის პროექტის სამუშაო გეგმა პარტნიორების პრიორიტეტებისა და შემოთავაზებების გათვალისწინებით.

შეხვედრა მისასალმებელი სიტყვით გახსნეს საქართველოს პროფესიული კავშირების გაერთიანების პრეზიდენტმა ირაკლი პეტრიაშვილმა, საქ. ოკუპირებული ტერიტორიებიდან დევნილთა შრომის, ჯანმრთელობისა და სოციალური დაცვის მინისტრის მოადგილემ თამარ ბარკალაიამ, საქართველოს დამსაქმებელთა ასოციაციის პრეზიდენტმა ელგუჯა მელაძემ, დანიის საგარეო საქმეთა სამინიტროს წარმომადგენელმა (უფროსი მრჩეველი) ვიბეკე გრამ მორტენსენმა და ILO DWT/CO აღმოსავლეთ ევროპისა და შუა აზიის დირექტორის მოადგილემ მიხაილ პუშკინმა.

აღნიშნული პროექტი ხორციელდება დანიის მთავრობისა და შრომის საერთაშორისო ორგანიზაციის ხელშეწყობით საქართველოში უკეთესი სამუშაო გარემოსა და მეწარმეობის ხელშეწყობის მიზნით.

საქართველოს დამსაქმებელთა ასოციაცია 2019 წლიდან, როგორც მთავრობის ოფიციალური სოციალური პარტნიორი ჩართულია აღნიშნულ პროექტში და წევრი კომპანიების ჩართულობით ახორციელებს არაერთ აქტივობას.