შეხვედრა იტალიის სავაჭრო სააგენტოსთან

საქართველოს დამსაქმებელთა ასოციაციისა და იტალიის სამთავრობო სავაჭრო სააგენტოს წარმომადგენლებს შორის გაცნობითი ხასიათის შეხვედრა გაიმართა.

მხარეებმა ორგანიზაციების საქმიანობისა და პოტენციური ერთობლივი პროექტების შესახებ ისაუბრეს. საკითხები შეეხებოდა საქართველო-იტალიას შორის სავაჭრო-ეკონომიკური ურთიერთობის გააქტიურებას, იმპორტ-ექსპორტის ხელშეწყობასა, აღნიშნულ სფეროებში არსებულ გამოწვევებსა და შესაძლებლობებს.

საქართველოს დამსაქმებელთა ასოციაცია წევრ კომპანიებს იტალიის სავაჭრო სააგენტოსთან ერთად B2B შეხვედრებს, ბიზნეს-ფორუმებსა და კომუნიკაციის გაძლიერების სხვადასხვა აქტივობებს შესთავაზებს.