ტრენინგი ESG საკითხებთან დაკავშირებით ბათუმში

საქართველოს დამსაქმებელთა ასოციაციის ორგანიზებით ქ. ბათუმში ადგილობრივი ბიზნეს სექტორის წარმომადგენლებისთვის გაიმართა ტრენინგი გარემოსდაცვით, სოციალურ და მმართველობითი (ESG) საკითხების შესახებ.

ESG-სთან დაკავშირებული ინფორმაციის ანგარიშგება და გამჟღავნება მდგრადი დაფინანსების განვითარების ერთ-ერთი მთავარი წინაპირობაა. ყოველივე ეს, თავის მხრივ, ბაზრის გამჭვირვალობის ზრდასა და საბაზრო დისციპლინის გაუმჯობესებას უწყობს ხელს.

ტრენინგის ფარგლებში განიხილებოდა 2024 წლის პროგრესი აღნიშნული მიმართულებით - საქართველოს ვადლებულება და რეგულაციებით განსაზღვრული პასუხისმგებლობა კომპანიებისთვის.

ტრენინგს უძღვებოდა ხათუნა ახალაია - კონსულტანტი ბიზნეს სექტორისთვის გარემოს დაცვის, აგრობიზნესისა და შრომის უსაფრთხოების საკითხებში.

ტრენინგი გაიმართა New Democracy Fund-ისა და დანიის ინდუსტრიალისტების ფინანსური მხარდაჭერით.