საქართველოს დამსაქმებელთა ასოციაციის გამოცდილება შრომის უსაფრთხოების სფეროში:

• საქართველოს დამსაქმებელთა ასოციაცია 2008 წლიდან შრომის საერთაშორისო ორგანიზაციის მხარდაჭერით ბიზნეს სექტორს სთავაზობს შრომის უსაფრთხოების მიმართულებით სისტემის დანერგვას, ტრენინგებსა და საკონსულტაციო მომსახურებას;

• ამავე პერიოდიდან საქართველოს დამსაქმებელთა ასოციაცია ნერგავს კომპანიაში შრომის უსაფრთხოების საერთაშირისო სტანდარტებს (OHSAS 18001, ამჟამად ISO 45001);

• 2015 წლიდან საქართველოს დამსაქმებელთა ასოციაცია, როგორც მთავრობის ოფიციალური სოციალური პარტნიორი ჩართულია შრომის უსაფრთხოების კანონის შემუშავებასა და შრომის ინსპექციის ინსტიტუტის შექმნაში საქართველოში;

• 2018 წელს საქართველოს დამსაქმებელთა ასოციაცია გახდა პირველი ორგანიზაცია საქართველოში, რომელმაც მოიპოვა უფლება განეხორციელებინა შრომის უსაფრთხოების სპეციალისტების მოსამზადებელი აკრედიტებული კურსი;

• 2018 წლიდან ბაზრის მოთხოვნის გათვალისწინებით საქართველოს დამსაქმებელთა ასოციაციამ შეიმუშავა შრომის უსაფრთხოების გარე/აუთსორსინგული მომსახურება, რომელიც ეფუძნება მრავალწლიან გამოცდილებას აღნიშნულ სფეროში;

• 2019 წელს შრომის უსაფრთხოების აუთსორსინგული მომსახურების სპეციალისტების გუნდმა გაიარა შრომის საერთაშორისო ორგანიზაციის (ILO) სპეციალური კურსი, აიმაღლეს კვალიფიკაცია შრომის უსაფრთხოების საერთაშორისო სტანდარტების მიმართულებით და მოიპოვეს შესაბამისი სერტიფიკატები;

• 2020 წლისთვის საქართველოს დამსაქმებელთა ასოციაცია რამდენიმე ათეულ საშუალო და დიდი ზომის კომპანიას აწვდის უსაფრთხოების აუთსორსინგულ სერვისს;
• საქართველოს დამსაქმებელთა ასოციაცია წარმოდგენილია საჯარო სამსახურების დაძმობილების პროექტის – “საქართველოში შრომის პირობების/შრომითი ურთიერთობების, აგრეთვე სამუშაო ადგილზე ჯანმრთელობის დაცვისა და შრომის უსაფრთხოების სტანდარტების გაუმჯობესება“სამუშაო ჯგუფში.

ასოციაცია ბიზნეს სექტორს სთავაზობს შრომის უსაფრთხოების მომსახურების სრულ სერვისს. კერძოდ:

• აუდიტორული და საკონსულტაციო მომსახურება შრომისა და ჯანმრთელობის უსაფრთხოებაში;
• შრომისა უსაფრთხოების სპეციალისტის მომსახურება/უთსორსინგი;
• ჯგუფური და კორპორატიული ტრენინგები შრომისა და ჯანმრთელობის უსაფრთხოების საკითხებში;
• სახანძრო უსაფრთხოების აუდიტი;
• შრომის უსაფრთხოების სპეციალისტის აკრედიტებული პროგრამა;
• სამუშაო გარემოს ჯანმრთელობისა და უსაფრთხოების მენეჯმენტის საერთაშორისო სტანდარტის დანერგვა (ISO 45001).

ასოციაციის მიერ გაწეული მომსახურების უპირატესობები:

• საქართველოს დამსაქმებელთა ასოციაცია წარმოადგენს შრომის საერთაშორისო ორგანიზაციის (ILO) ოფიციალურ პარტნიორს საქართველოში;
• წარმოადგენს მთავრობის ოფიციალურ სოციალურ პარტნიორს;
• მომსახურების გაწევას უზრუნველყოფენ შრომის საერთაშორისო ორგანიზაციის (ILO) სერტიფიცირებული ექსპერტები და სახელმწიფოს მიერ აკრედიტებული შრომის უსაფრთხოების მენეჯერები;
• შრომის უსაფრთხოების სისტემის დანერგვა ხორციელდება არა მხოლოდ ადგილობრივი საკანონმდებლო რეგულაციების, არამედ საერთაშორისო სტანდარტების შესაბამისად;
• აუთსორსინგული მომსახურების ფარგლებში ვიღებთ ფინანსურ პასუხისმგებლობას შრომის ინსპექციის მიერ კომპანიის დაჯარიმების/სანქცირების შემთხვევაში;
• შრომითი ურთიერთობების საერთაშორისო ექსპერტების/იურისტების მომსახურება;
• მომსახურებას უზრუნველვყოფთ მთელი საქართველოს მასშტაბით.