დამსაქმებელთა ასოციაციის შრომის უსაფრთხოების კომიტეტის შეხვედრა გაიმართა

საქართველოს დამსაქმებელთა ასოციაციაში შრომის უსაფრთხოების კომიტეტის შეხვედრა გაიმართა.

შეხვედრის ფარგლებში მონაწილეებმა მიიღეს ინფორმაცია კომიტეტის საქმიანობის, მიზნებისა და სამომავლო გეგმების შესახებ. მონაწილეობა მიიღეს კვლევაში, რომელსაც დამსაქმებელთა ასოციაცია ახორციელებს შრომის უსაფრთხოების მიმართულებით. ასევე განიხილეს კომპანიებსა და სექტორებში არსებული გამოწვევები შრომის უსაფრთხოების საკანონმდებლო მოთხოვნების და ინსპექტირებების პროცესების ჭრილში. კომიტეტის წევრებმა ერთმანეთს გაუზიარეს საკუთარი გამოცდილება ამ მიმართულებით.

კომიტეტის შეხვედრას უძღვებოდა შრომის უსაფრთხოების ექსპერტი ზურა ჩხეიძე.

საქართველოს დამსაქმებელთა ასოციაციის შრომის უსაფრთხოების კომიტეტი აქტიურ საქმიანობას განაგრძობს წევრი კომპანიების ჩართულობით.