საქართველოს საბაჟო კოდექსში შესული ცვლილებები და სიახლეები

საქართველოს საბაჟო კოდექსში შესული ცვლილელებისა და სიახლეების შესახებ საქართველოს დამსაქმებელთა ასოციაციაში ტრენინგი გაიმართა.

მონაწილეებმა მიიღეს ინფორმაცია საბაჟო დეპარტამენტში დანარგილი სიახლეებისა და ინფორმაციის მოპოვების წყაროების შესახებ. შედეგად, აღნიშნული სფეროს წარმომადგენლებმა აიმაღლეს კვალიფიკაცია საბაჟო საკითხების ირგვლივ, შეძლებენ გამოიყენონ მიღებული ცოდნა პრაქტიკაში და მიიღონ ეფექტური გადაწყვეტილებები.

ტრენინგი მოიცავდა ისეთ თემებს, როგორებიცაა საქონლის იმპორტის დროს დღგ-ით დასაბეგრი თანხის განსაზღვრა, საქონლის იმპორტის დროს იმპორტის გადასახადისაგან გათავისუფლება და მასთან დაკავშირებული ნიუანსები.

პრაქტიკა მიმდინარეობდა თეორიული და პრაქტიკული მაგალითების განხილვით.

ტრენინგს უძღვებოდა გონერი ურიდია – შემოსავლების სამსახურის საგადასახადო და საბაჟო მეთოდოლოგიის დეპარტამენტის მთავარი სპეციალისტი; ეკონომიკის მეცნიერებათა დოქტორი, უნივერსიტეტ „ალტეს“ პროფესორი.

ტრენინგის დასასრულს მონაწილეებს გადაეცათ GEA-ს სერტიფიკატები.