ასოციაციის ვიზიტი ბრიუსელში

ბრიუსელში 5 დღიანი საქმიანი ვიზიტით იმყოფებოდნენ საქართველოს დამსაქმებელთა ასოციაციის პრეზიდენტი და ბორდის წევრები.

GEA-ს წარმომადგენლების ვიზიტი მიზნად ისახავდა ევროკავშირში საქართველოს გაწევრიანებისთვის მომზადების პროცესში ბიზნესთან დაკავშირებული სტრუქტურების ადგილზე გაცნობა, გაფართოების პოლიტიკის ხელშეწყობა დამსაქმებელთა ასოციაციის პერსპექტივით, ე.წ EU Cohesion Policy, ინტეგრაციის პროცესის, ბიზნეს გარემოს და ეკონომიკური ურთიერთობების შესახებ გამოცდილების გაზიარება და სხვ..

ამ მიზნით გაიმართა შეხვედრები ევროპარლამენტარებთან და ისეთი სტრუქტურების წარმომადგენლებთან, როგორებიცაა სამეზობლო და გაფართოების მოლაპარაკებების გენერალური დირექტორატი (DG NEAR), BusinessEurope, ევროპის ეკონომიკური და სოციალური კომიტეტი (EESC), გერმანიის უმსხვილესი ბიზნეს გაერთიანება და მათ წარმომადგენლობა ევროპის კავშირის ქვეყნებში, მეკლენბურის დასავლეთ-პომერანიას ფედერალური მიწის წარმომადგენლობის ხელმძღვანელთან ევროპის კავშირში და სხვ.

ვიზიტის ფარგლებში რამდენიმე შეხვედრა გაიმართა Nordmetall-ის წარმომადგენლებთან ჰამბურგში (გერმანია).

საქართველოს დამსაქმებელთა ასოციაცია აქტიურად მუშაობს როგორც ქვეყნის შიგნით, ისე მის ფარგლებს გარეთ საერთაშორისო პარტნიორებთან, რათა ევროკავშირთან ჰარმონიზაციის პროცესი ადგილობრივი ბიზნეს სექტორისთვის ნაკლებად სტრესული და შემაფერხებელი აღმოჩნდეს.

ბრიუსელში ვიზიტი გაიმართა BWMV. e. V-ს პროექტის ფარგლებში – SEQUA/BMZ-ის ფინანსური მხარდაჭერით.