დამსაქმებელთა ასოციაციის წევრი კომპანიები ეკონომიკის მინისტრს შეხვდნენ

23 ივნისს საქართველოს ფინანსთა მინისტრი დიმიტრი ქუმსიშვილმა და შემოსავლების სამსახურის ხელმძვანელმა პირებმა გამართეს შეხვედრა, რომელსაც საქართველოს დამსაქმებელთა ასოციაციის წევრი კომპანიები ესწრებოდნენ.

შეხვედრა მიზნად ისახავდა ბიზნეს სექტორის ინფორმირებას ახალი კანონმდებლობის შესახებ, რომელიც გულისხმობს, რომ 2017 წლის 1 ივლისიდან მეწარმე ვალდებულია საქართველოს ტერიტორიაზე ქონების რეალიზაციისას და მომსახურების გაწევისას რეკლამირების, ან შეთავაზების შემთხვევაში, ფასი მიუთითოს ლარით.
ამასთან, ლარით სავალდებულო ფასდადების მოთხოვნა მხოლოდ მეწარმე სუბიექტებს შეეხება და ამ წესის დარღვევაზე, ადმინისტრირებას ფინანსთა სამინისტროს შემოსავლების სამსახური განახორციელებს.

აღსანიშნავია, რომ საქართველოს დამსაქმებელთა ასოციაცია სამთავრობო სტრუქტურებთან აქტიური თანამშრომლობის ფარგლებში მუდმივად სთავაზობს წევრ კომპანიებს, რომ მონაწილეობა მიიღონ მსგავსი ტიპის შეხვედრებში.