პრეზიდენტი

ელგუჯა მელაძე

შპს მენეჯმენტის სისტემები - გენერალური დირექტორი და დამფუძნებელი

2005 წლიდან ბაზარზე წარმატებით მუშაობს საერთაშორისო და ევროპაში ერთ-ერთ ყველაზე ავტორიტეტული მასერტიფიცირებელი ორგანოების (TUV SUD და ა.შ ) ოფიციალური წარმომადგენელი კომპანია „მენეჯმენტის სისტემები“, რომლის მიზანია რაც შეიძლება მეტ კომპანიას მისცეს საშუალება ISO სტანდარტების დანერგვით მიუახლოვდეს საერთაშორისო ბაზარზე არსებულ მოთხოვნებს.

“მენეჯმენტის სისტემები” ადგილობრივი და უცხოელი ექსპერტების მეშვეობით, რამდენიმე ასეულ კომპანიაში ეწევა საკონსულტაციო სამუშაოებს, ხარისხის მენეჯმენტის სისტემის შემუშავებისა და დანერგვის მიზნით.

დაარსების დღიდან კომპანია „მენეჯმენტის სისტემებმა“ განახორციელა მრავალი წარმატებული პროექტი და შეიძინა უამრავი პარტნიორი. მისი კონსულტაციების შედეგად200–ზე მეტ ადგილობრივ ორგანიზაციას TÜV SÜD Management Service GmbH–ს მიერ მიენიჭა სერტიფიკატები სხვადასხვა საერთაშორისო სტანდარტების მოთხოვნების მიხედვით.

„მენეჯმენტის სისტემების“ გამოცდილი პერსონალი კვალიფიციურ საკონსულტაციო მომსახურებას უწევს წარმოების სხვადასხვა სექტორში დაკავებულ კომპანიებს, მათ შორის მძიმე მრეწველობის, მშენებლობის, სურსათის წარმოების, მომსახურების და სხვა. „მენეჯმენტის სისტემების“ მომსახურება მოიცავს სხვადასხვა სტანდარტებისა და სისტემების დანერგვასთან დაკავშირებით შესაბამისი დოკუმენტაციის მომზადებას, პერსონალის გადამზადებას, შიდა აუდიტების ჩატარებას და სხვა. შპს „მენეჯმენტის სისტემები“ წარმოადგენს გერმანული სასერტიფიკაციო ორგანოს TÜV SÜD Management Service GmbH–ს ოფიციალურ პარტნიორს საქართველოში.