საქართველოს საგადასახადო კოდექსში შესული სიახლეები და ცვლილებები

საქართველოს დამსაქმებელთა ასოციაციაში გაიმართა ტრენინგი თემაზე – „საქართველოს საგადასახადო კოდექსში შესული სიახლეები და ცვლილებები,“ რომლის მიზანს წარმოადგენდა უახლეს პერიოდში საქართველოს საგადასახადო კანონმდებლობაში შეტანილი ცვლილებები, სიახლეები და აქტუალური პრობლემატური საკითხების გაცნობა მონაწილეთათვის.

ტრენინგის შედეგად მონაწილეები შეძლებენ საგადასახადო სისტემისა და დაბეგვრის პრინციპების სწორად გამოყენებას; მათ ასევე გაიღრმავეს ცოდნა საქართველოში მოქმედი გადასახადებისა და მასთან დაკავშირებული ძირითადი კანონქვემდებარე აქტების შესახებ.

ტრენინგს უძღვებოდა შემოსავლების სამსახურის საგადასახადო და საბაჟო მეთოდოლოგიის დეპარტამენტის უფროსი ქეთევან მესხი.

სწავლების პროცესში თეორიულ მასალასთან ერთად განხილული იყო პრაქტიკული მაგალითები, რომელშიც აქტიურად ჩაერთნენ მონაწილეები.

საქართველოს დამსაქმებელთა ასოციაცია ბიზნეს სექტორისთვის აქტუალურ თემებზე ტრენინგებს სისტემატიურად სთავაზობს კომპანიებს.