ტრენინგი გარემოსდაცვით საკითხებზე

11 ივლისს საქართველოს დამსაქმებელთა ასოციაციაში გაიმართა საინფორმაციო შეხვედრა/ტრენინგი გარემოსდაცვით საკითხებზე.

ტრენინგის მიზანს წარმოადგენდა ამ სფეროში მომუშავე პროფესიონალების ცნობიერებისა და კვალიფიკაციის ამაღლება გარემოს დაცვის საკანონმდებლო მოთხოვნების შესახებ, რათა კომპანიებში გაატარონ შესაბამისი ღონისძიებები და დანერგონ სისტემა იმგვარად, რომ, ერთი მხრივ, იზრუნონ გარემოზე და, მეორე მხრივ, მომზადებული შეხვდნენ ინსპექტირების პროცესს და თავი აარიდონ მოსალოდნელ სანქციებს.

ტრენინგის ფარგლებში განიხილებოდა ისეთი საკითხები, როგორებიცაა გარემოს, ატმოსფერული ჰაერის დაცვის, გარმოდაცვითი შეფასებისა და ნარჩენების მართვის საკანონმდებლო ბაზები.

ტრენინგს უძღვებოდა ხათუნა ახალაია - 20 წლიანი გამოცდილება გარემოს დაცვაში. 12 წლიანი გამოცდილება გარემოს დაცვის სამინისტროს მიწის, ნარჩენების და ქიმიური ნივთიერებების მართვის სფეროში საერთაშორისო ორგანიზაციებში ტოქსიკური ნარჩნების (პესტიციდების) მართვის დიდი გამოცდილება.

ტრენინგის დასასრულს მონაწილეებს გადაეცათ GEA-ს სერტიფიკატები.