შრომითი ურთიერთობების კომიტეტის შეხვედრა

საქართველოს დამსაქმებელთა ასოციაციის შრომითი ურთიერთობების კომიტეტის მორიგი შეხვედრა გაიმართა.

კომიტეტის შეხვედრის ფარგლებში განიხილებოდა ისეთი საკითხები, როგორებიცაა:

• კოლექტიური ხელშეკრულებების წახალისების მექანიზმების შემუშავება;
• კოლექტიური შრომითი დავების გადაწყვეტის ალტერნატიული მექანიზმების შემუშავება;
• შრომითი დავების მედიაციის განვითარება/გაძლიერება;
• სახელფასო პოლიტიკის გადახედვა (მინიმალური ხელფასი და საარსებო
  მინიმუმი);
• კონვენციები :
  • „შრომის სფეროში ძალადობისა და შევიწროების აღმოფხვრის შესახებ“
    შრომის საერთაშორისო ორგანიზაციის N190 კონვენცია;
  • „სოციალური უზრუნველყოფის მინიმალური ნორმების შესახებ“ N102
    კონვენციის რატიფიცირება;
  • „მინიმალური ხელფასის დაწესების შესახებ“ №131 კონვენცია;
  • „ოჯახში დასაქმებულთა შესახებ“ №189 კონვენცია.

შეხვედრას უძღვებოდა საქართველოს დამსაქმებელთა ასოციაციის იურიდიული დეპარტამენტის ხელმძღვანელი ნიკოლოზ აბუთიძე.

საქართველოს დამსაქმებელთა ასოციაციის შრომითი ურთიერთობების კომიტეტი დაკომპლექტებულია წევრი კომპანიების იურისტებისა და HR პროფესიონალებისგან.

კომიტეტზე განხილულ პოზიციებს საქართველოს დამსაქმებელთა ასოციაცია სამმხრივი კომისიის ფარგლებში წარუდგენს სოციალურ პარტნიორებს.