პრაქტიკული გრძელვადიანი კურსი სამშენებლო სამართალში
2021-10-21
დასრულებული
საქართველოს დამსაქმებელთა ასოციაციის მხრიდან დაგეგმილია პრაქტიკული გრძელვადიანი კურსი სამშენებლო სამართალში რომლის მიზანია მსენელებმა:
- შეისწავლონ და გაიზიარონ ქართული სამშენებლო სამართლის სტრუქტურა, პრინციპები, საკვანძო ასპექტები რათა შეძლონ სამართლებრივად სწორად შეფასონ პრაქტიკული საკითხები;
- გაზარდონ იურიდიული მომსახურების ხარისხი სამშენებლო-დეველოპერულ კომპანიებთან თუ სხვა კერძო პირებთან ურთიერთობისას;
- გაიუმჯობესონ საჯარო დაწესებულებებთან შედეგზე ორიენტირებული კომუნიკაციის უნარი;
- შეძლონ სამშენებლო საქმიანობით დაინტერესებული პირებისათვის კვალიფიციური იურიდიული მომსახურების გაწევას;
- გაიუმჯობესონ სამშენებლო ურთიერთობებში მონაწილე სუბიექტებთან მოლაპარაკებების წარმოების უნარი;
- შეძლონ შეადგინონ კლიენტის ინტერესებზე მორგებული ნებისმიერი სახის ხელშეკრულება.
- შეძლონ უკეთ წარმოადგინონ კლიენტის ინტერესები სამოქალაქო და ადმინისტრაციული საპროცესო საქმისწარმოების ნებისმიერ ეტაპზე.
კურსი დაფუძნებულია იმ პრაქტიკულ გამოცდილებაზე, რასაც საქართველოში არსებული სამშენებლო კომპანიები აწყდებიან სახელმწიფო მაკონტროლებელ ორგანოებთან, სასამართლო ხელისუფლებასთან, კონტრაქტორებთან და დამკვეთებთან ურთიერთობებში.
კურსს წარუძღვებიან მრავალწლიანი სამუშაო და აკადემიური გამოცდილების მქონე დარგის წამყვანი ტრენერები, ასევე კურსის ფარგლებში მოწველი იქნებიან, პრაქტიკოსი არქიტექტორი, ადგილობრივი მუნიციპალტეტისა და სასამართლო ხელისუფლების წარმომადგენლები.
კურსის ხანგრძლივობა: 30 საათი - 6 კვირა - კვირაში 1 დღე, ყოველი კვირის ხუთშაბათი, 15:00 სთ-დან 20:00სთ-მდე.
ნიკოლოზ აბუთიძე - საქართველოს დამსაქმებელთა ასოციაციის იურიდიული კონსულტანტი, იურიდიული კომპანია JG Counselors-ის აღმასრულებელი დირექტორი, 8 წლიანი პრაქტიკული და 4 წლიანი აკადემიური სამუშაო გამოცდილება სამშენებლო სამართლის მიმართულებით.
ალექსანდრე ქამუშაძე
იურიდიული კომპანია “GLCC”-ის დირექტორი - 16 წლიანი პრაქტიკული და 4 წლიანი აკადემიური სამუშაო გამოცდილება სამშენებლო სამართლის მიმართულებით
ფასები და პირობები: საქართველოს დამსაქმებელთა ასოციაციის წევრი კომპანიებისთვის - 650 ლ (დღგ-ს გარეშე); არაწევრი კომპანიებისთვის - 950 ლ (დღგ-ს გარეშე)
დანართის სახით, გთხოვთ იხილოთ დეტალური ინფორმაცია ტრენინგის შესახებ და დაინტერესების შემთხვევაში გაიაროთ რეგისტრაცია შემდეგ ბმულზე
რეგისტრაციის ფორმა .გისურვებთ წარმატებებს
(32 2) 14 72 72
(+995 514) 077777
info@employer.ge
0159 ქ. თბილისი; ბელიაშვილის ქ. #145 სართ. 4.